歐聯G組賽事，衞冕嘅曼城將會主場出擊，迎戰塞爾維亞球隊貝爾格萊德紅星，曼城延續上季「三冠王」強勢，英超開季連場報捷，捧走埋歐超盃，前鋒艾寧夏蘭特繼續數胡，腳風甚順，今場係「藍月亮」歐聯衞冕第一擊，佢哋近5仗歐聯主場4次開4球或以上，追捧3.5球入球大。（Now 644周三凌晨3時直播）

曼城近期已經消化咗奇雲迪布尼受傷缺陣嘅影響，繼續保持強勢，上仗聯賽3比1反勝韋斯咸，聯賽5連勝，艾寧夏蘭特又有「士哥」，現時累積7球領先射手榜，呢位挪威神鋒上屆歐聯攻入12球成為神射手，今仗歐聯主場出擊定必繼續數胡，而且曼城並唔係只得艾寧夏蘭特，仲有祖利安艾華利斯、謝利美杜古同菲爾科頓，個個都係射得之人，今場唔愁冇波入。

紅星有入球能力
貝爾格萊德紅星對上一次征戰歐聯分組賽，要數到2019至20球季，當時佢哋6場分組賽以1勝5負成績墊底出局，今季再戰歐聯立即遇上衞冕嘅曼城，勢難全身而退，極可能大敗一場，但睇番佢哋近期本土賽事，開季7仗攻入21球，入球能力有番咁上下，今場有機會入到1、2球，開大機會更高。